የሕወሓት ጁንታ ቡድን በአዲ ምስኖ ቅዱስ ሚካኤል ቤተ ክርስቲያን ውስጥ ያከማቻቸው የጦር መሣሪያዎች

የሕወሓት ጁንታ ቡድን በአዲ ምስኖ ቅዱስ ሚካኤል ቤተ ክርስቲያን ውስጥ ያከማቻቸው የጦር መሣሪያዎች (ፎቶግራፍ፤ ብርሃኑ ወርቁ)

የተገኙት የመድፍ ጥይቶችና የቢኤም መሣሪያዎች ናቸው

ኢዛ (ቅዳሜ ኅዳር ፲፱ ቀን ፳፻፲፫ ዓ.ም. November 28, 2020)፦ ዛሬ ኅዳር 19 ቀን 2013 ዓ.ም. የአገር መከላከያ ሠራዊት የመረጃ ገጽ ይፋ እንዳደረገው፤ መረጃው በራያ ግንባር አካባቢ የሕወሓት ጁንታ ቡድን በአዲ ምስኖ ቅዱስ ሚካኤል ቤተ ክርስቲያን ውስጥ ብዛት ያላቸው የጦር መሣሪያዎች አከማችቶ እንደነበር ገልጿል። ይህም ሕዝቡን አስቆጥቷል።

የመከላከይ መረጃ የሚከተለው ነው። (ኢዛ)

በራያ ግንባር የተሰለፈው የመከላከያ ሠራዊታችን በሚያከናውነው የሕግ ማስከበር ተልዕኮ ተደጋጋሚ ሽንፈቶችን እየተጋተ የሚገኘው የጁንታው ቡድን የማይደፈረውን ነገር ፈጽሟል።

የጁንታው ቡድን ልዩ ኃይል አባላት በአዲ ምስኖ ቅዱስ ሚካኤል ቤተ ክርስቲያን ውስጥ ብዛት ያላቸው ጥይቶችን በማከማቸት የአካባቢውን ሕብረተሰብ ያስቆጣ አረመኔያዊ ተግባር ፈጽሟል።

አቶ በኃይሉ በርኸ "ቤተ ክርስቶያን ውስጥ የመድፍ ጥይት እና ቢኤም መሣሪያ አምጥተው አስቀመጡ። ለምን ስንላቸው ቤተክርስትያኑ አይመታባችሁም ከተመታም የጥይት ሳጥን እንሰጣችሁና እሱን ሸጣችሁ ታስጠግኑታላችሁ አሉን" ብለዋል።

አቶ በኃይሉ፣ ቤተ ክርስትያኑ ፈርሷል ውስጡ ያለው ፅላትም ይኑር አይኑር የምናውቀው ነገር የለም፤ ወያኔ ለሃይማኖት እኩልነት እቆማለሁ ሲል የነበረ ድርጅት፤ ዛሬ ግን ስጋወደሙ የምንቀበልበትን የእምነት ቦታ አርክሶብናል ሲሉ በኀዘንና በቁጭት ስሜታቸውን አጋርተውናል።

በየትኛውም ፖለቲካዊ ዕይታ ሕዝብን ያልያዘ ኃይል የድል ባለቤት ሊሆን አይችልም። ከሞቱ መቃብር አፋፍ ላይ የኾነው ትሕነግ፣ ግን በራሱ ልክ በተሰፋው የሴራ ፖለቲካ ተተብትቦ በሰው ሕሊና ሊፈጸሙ አይደለም ሊታሰቡ የማይችሉ ተግባራትን ከመፈጸም አልቦዘነም።

ለሁሉም በመላው ሕዝባችን ድጋፍ በጀግናው መከላከያ ሠራዊታችን ጀግንነት ዘራፊውና ከሃዲው ቡድን ያለችው የተስፋ ጭላንጭል ተሟጣ የመኖር ጀንበሩ ልትጠልቅ አጭር ዕድሜ ብቻ ቀርተውታል።

አበበ ሰማኝ (ከግዳጅ ቀጣና)
ፎቶግራፍ ብርሃኑ ወርቁ

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!