Ethiopia Zare (ረቡዕ ታህሳስ 28 ቀን 2002 ዓ.ም. January 6, 2010)፦ ከሁለት ዓመት በፊት ከብሔራዊ ባንክ ከ150 ሚሊዮን ብር በላይ የሚገመት ወርቅ በማጭበርበር ተጠርጥረው ክስ የተመሠረተባቸውና በእስር ላይ የሚገኙ የባንኩ ሠራተኞችና ነጋዴዎች እንዲከራከሩ ተወሰነ።

 

ችሎቱ 21 ተከሳሾችን በመንግሥት ጥቅም ላይ ከፍተኛ ጉዳት ለማድረስ፣ ሕገ-ወጥ ተግባር በመፈጸም አቶ አስማረ አያሌው የተባለን ግለሰብ ለመጥቀም፣ የመንግሥትን ሥራ በማያመች አኳኋን በመምራት የሙስና ወንጀል ተጠርጥረው በተከሰሱት ግለሰቦች ዓቃቤ ሕግ ምስክሮችን አሰምቷል።

 

አንድ የጥበቃ ሠራተኛና አንድ ሌላ ሰው ነፃ የተባሉበት ይኸው ብይን፤ ሌሎቹን ተከሳሾች ጥፋተኛ በማድረግ እንዲከላከሉ በይኗል።

 

የክስ ቻርጁ እንደሚያመለክተው ከሰኔ 6 ቀን 2005 እስከ ሚያዝያ 5 ቀን 2007 ዓ.ም. በተለያዩ ቀናትና ወራት በሥርዓት የሚመራ የወርቅ ግብይት ንግድ መመሪያን ወደ ጎን በመተው ነጋዴው የታደሰ የወርቅ ንግድ ፈቃድ እንዳለው ሳያጣሩ ለባንኩ ወርቅ እንዲያቀርብ ፈቃድ በመስጠት፣ በመዋዋል፣ ያልታጀበ፣ ያልተመዘነ፣ እሽጉ ተከፍቶ ወርቅ መሆኑ ያልታየና ከተመረመረ ከአንድ ቀን እስከ አንድ ወር ያደረን ብረት ወርቅ ብሎ በመቀበል ከፍተኛ ጉዳት ማድረሳቸውን በባንክ የተረጋገጠ የዋስትና ሰነድ መያዥያ ሳይኖር በራስ ዋስትና አስፈርሞ ሙሉ ክፍያ እንዲፈፀም በማድረግ ወርቁ የተመረተበትን ቦታ የሚገልጽ ማስረጃ ሳይቀረብ “የሻኪሶ አካባቢ የደለል ወርቅ” እንደሆነ የሐሰት መግለጫ ሲቀርብ የክፍያ ሂሳብ ባለማረጋገጥና ሕግ እንዲጠበቅ ባለማድረጋቸው የባንኩ ሠራተኞች መከሰሳቸውን የክስ ቻርጁ ያመለክታል።

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!