Office of the Prime Minister

የጠቅላይ ሚኒስትር ጽሕፈት ቤት፤

ድርጊቱ የሕወሓትን ማንነት ያሳየ ነው

ኢዛ (ማክሰኞ ኅዳር ፲፭ ቀን ፳፻፲፫ ዓ.ም. November 24, 2020)፦ የሕወሓት ቡድን በማይካድራ ጥቅምት 30 ቀን 2013 ዓ.ም. በንጹኀን ዜጎች ላይ የፈጸመውን ጭካኔ የተሞላበት ተግባር ያወገዘው የጠቅላይ ሚኒስትር ጽሕፈት ቤት፤ ዓለምም ይህንን ድርጊት እንዲያወግዝ ጠየቀ።

የኢትዮጵያ ሰብአዊ መብት ኮሚሽን (ኢሰመኮ) ዛሬ ይፋ ያደረገውን የመጀመሪያ ደረጃ (ቀዳሚ) ሪፖርት ተከትሎ የጠ/ሚኒስትር ጽ/ቤት ባወጣው መግለጫ፤ የሕወሓት ጽንፈኛ ቡድን ኃይሎች በማይካድራ በንጹኀን ዜጎች ላይ የፈጸመው ጭካኔ የተሞላበት ተግባር፤ ከፍተኛ የሰብአዊ መብት ጥሰትና ልብ ሰባሪ መኾኑንም አመልክቷል።

የጽሕፈት ቤቱ መግለጫ ጨምሮ እንዳመለከተው፤ ይህ ጭካኔ የተሞላበት ተግባር ሕገወጡ የሕወሓት ቡድን በኢትዮጵያ እየፈጸመ ያለው ጭካኔ የተሞላበት ወንጀል ምን ያኽል እንደኾነ የዓለም ሕዝብ በድጋሚ ያረጋገጠበት ነው ብሏል።

ኮሚሽኑ ካቀረበው ሪፖርት መረዳት እንደሚቻለውም፤ የማይካድራው ጥቃት ተራ የወንጀል ተግባር ሳይኾን፤ በእቅድና በተቀናጀ መንገድ የተፈጸመ የሰብአዊ መብት ጥሰት መኾኑንም ይኸው የጠቅላይ ሚኒስትር ጽሕፈት ቤት መግለጫ አመልክቷል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!