20210302 adwa

በመቀሌ የተገኘውና መከላከያና ሰሜን ዕዝ የማያውቁት የጦር መሣሪያ ማከማቻ ዴፖ

በመቀሌ የተገኘውና መከላከያና ሰሜን ዕዝ የማያውቁት የጦር መሣሪያ ማከማቻ ዴፖ

በመቀሌ ቤት ለቤት ፍተሻ ተጀምሯል

ኢዛ (ረቡዕ ኅዳር ፳፫ ቀን ፳፻፲፫ ዓ.ም. December 2, 2020)፦ በመቀሌ ከተማ ውስጥ በመንግሥትም ኾነ በሰሜን ዕዝ የማይታወቅና የጁንታው የሕወሓት ቡድን ለጥፋት ሊጠቀምበት የነበረ የጦር መሣሪያ ማከማቻ ዴፖ መገኘቱንና በአገር መከላከያ እጅ መግባቱ ተገለጸ።

በሕግ የሚፈለጉ የሕወሓት አባላትን እና የጦር መሣሪያዎችን በቁጥጥር ሥር ለማዋል የቤት ለቤት ፍተሻ መጀመሩን ተከትሎ፤ የማይታወቀው የጦር መሣሪያ ዴፖ ሊገኝ ችሏል።

በዚህ ዴፖ በሦስት ኮንቴይነሮች ጠብመንዣዎች፣ በሺህዎች የሚቆጠሩ ጥይቶች፣ ካላሽንኮቭ፣ ስናይፐር፣ አድማ መበተኛ የጭስ ቦምቦችና ፈንጂዎች ተይዘዋል።

በዚህ ጉዳይ ላይ የልዩ ዘመቻ 2ኛ ብርጌድ 3ኛ ሬጅመንት አዛዥ ሌተናል ጄኔራል ሳድቅ አሕመድ ለኢቢሲ እንደገለጹት፤ በመቀሌ ከተማ የተገኘው የጦር መሣሪያ ማከማቻ ዴፖን መከላከያ የማያውቀው ነው።

የሰሜን ዕዝ አመራሮችም ስለዚህ ዴፖ ተጠይቀው፤ የማያውቁት ስለመኾኑም ገልጸዋል። የትግራይ ልዩ ኃይል መለዮና የአባላት መታወቂያ ጭምር መገኘታቸውም ታውቋል።

በከተማዋ ውስጥ አሁን ከተገኘው የጦር መሣሪያ ሌላ፤ ሌሎች የጦር መሣሪያዎች እንደሚገኙ የታመነ ሲሆን፤ አሁን በሚካሔደው ፍተሻና ብርበራ የከተማው ነዋሪ የነቃ ተሳትፎ በማድረግ፣ ጥቆማ እንዲሰጥ የተጠቀ መኾኑ ተገልጿል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!