PM Abiy Ahmed's Twitter page

የጠቅላይ ሚኒስትር ዶ/ር ዐቢይ አሕመድ ትዊተር ገጽ

“የሁለቱን አገራት ታሪካዊ ትስስር ያልተረዱ ናቸው ጉዳዩን የሚያራግቡት” ጠቅላይ ሚኒስትሩ

ኢዛ (ሐሙስ ታኅሣሥ ፰ ቀን ፳፻፲፫ ዓ.ም. December 17, 2020)፦ ሰሞኑን በኢትዮ ሱዳን ድንበር አካባቢ ግጭት መከሰቱን የሚያመለክቱ መረጃዎች ሲወጡ የነበረ ሲሆን፤ ዛሬ ማምሻውን ጠቅላይ ሚኒስትር ዶ/ር ዐቢይ አሕመድ በትዊተር ገጻቸው በድንበሩ አካባቢ ከሚሊሻ ጋር የተፈጠረውን ክስተት መንግሥት በቅርበት እየተከታተለው መኾኑን ገልጸዋል።

በድንበሩ አካባቢ ተፈጠረ የተባለውን ድርጊት ከሚሊሻ ጋር የተፈጠረ ክስተት በማለት የገለጹት ጠቅላይ ሚኒስትሩ፤ ሁኔታውን በቅርበት እየተከታተሉ መኾናቸውንና ችግሮችን ለመፍታት ሁሌም ውይይትን የሚጠቀሙ ስለመኾኑም አመልክተዋል። እንዲህ ያሉ ክስተቶች የሁለቱም አገራት ትስስር የሚያላሉ መኾናቸውንም ጠቅሰዋል።

ጉዳዩን እንደ መልካም አጋጣሚ ወስደው በማራገብ ልዩነቱን ለማስፋት የሚጥሩ አካላት፤ የሁለቱን አገሮች ታሪካዊ ትስስር ያልተረዱ ስለመኾናቸውና የአገሮቹን ታሪካዊ ግንኙነት ጥንካሬ በግልጽ ያለመረዳት ስለመኾኑም በዚሁ የትዊተር ገጻቸው አመልክተዋል።

ጠቅላይ ሚኒስትሩ ይህንን መልእክት ከማስተላለፋቸው ቀድም ባሉት ቀናት የሱዳን ታጣቂዎች ድንበር ጥሰው ኢትዮጵያ ውስጥ ጉዳት አድርሰዋል የሚሉ መረጃዎች ሲወጡ እንደነበር ይታወሳል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!