Meseret Defar አትሌት መሰረት ደፋርKenenisa Bekele አትሌት ቀነኒሳ በቀለEthiopia Zare (አርብ ሰኔ 26 ቀን 2001 ዓ.ም. July 3, 2009)፦ በያዝነው የአውሮፓውያን 2009 እየተካሄደ ባለው የኤ.ኤፍ. ጎልደን ሊግ አትሌቲክስ በ5 ሺህ ሜትር ርቀት አትሌት ቀነኒሳ በቀለ እና መሰረት ደፋር በኖርዌይ ዋና ከተማ ኦስሎ ውድድሩን በአንደኝነት አጠናቀቁ። የጎልደን ሊጉን አንድ ሚሊዮን ዶላር ሽልማት ይቋደሳሉ ተብለው ከሚጠበቁት አትሌቶች ውስጥ ሁለቱ ኢትዮጵያውያን አትሌቶች ይገኙበታል።

 

Derese Mekonnen አትሌት ደረሰ መኮንን በዚሁ በኦስሎ ከተማ ቢስሌት ስታዲየም እየተካሄደ ባለው ጎልደን ሊግ ላይ በ1500 ሜትር አትሌት ደረሰ መኮንን ውድድሩን በ3 ደቂቃ 48፡95 ሰከንድ በመጨረስ በአንደኝነት ውድድሩን አጠናቅቋል። አትሌት ደረሰ የኢትዮጵያ አዲሱ የአጭር ርቀት ኮከብ አትሌት የሚል መጠሪያ የተሰጠውና ተስፋ የተጣለበት የ21 ዓመት ወጣት ነው።

 

አትሌት መሰረት ደፋር 5 ሺህ ሜትሩን በአንደኝነት የጨረሰችው በ14 ደቂቃ ከ36፡38 ሰከንድ ነው።

 

ጀርመን ላይ በበርሊን ከተማ ጁን 14 ቀን በተጀመረው የኤ.ኤፍ. ጎልደን ሊግ አትሌቲክስ ውድድር አትሌት ቀነኒሳ በቀለ ውድድሩን በአንደንነት መጨረሱ ይታወቃል። አርብ ጁላይ 3 ቀን 2009 (ሰኔ 26 ቀን 2001 ዓ.ም.) በኦስሎ፣ ኖርዌይም ውድድሩን በአንደኝነት መጨረሱ ለድሉ እያቀረበው መሆኑ ታምኗል።

 

ቀሪዎቹ አራት ውድድሮች ጣሊያን ሮም ላይ አርብ ጁላይ 10 (ሐምሌ 3 ቀን 2001)፣ ፈረንሣይ ፓሪስ ላይ አርብ ጁላይ 17 (ሐምሌ 10 ቀን 2001 ዓ.ም.)፣ ስዊዘርላንድ ዙሪክ ላይ አርብ ኦገስት 28 (ነሐሴ 22 ቀን 2001 ዓ.ም.) እንዲሁም የመጨረሻው ውድድር ቤልጅየም በረስልስ ላይ አርብ ሴፕቴምበር 4 (ነሐሴ 29 ቀን 2009 ዓ.ም.) ይካሄዳሉ።

 

በያዝነው 2009 ከዓለም አትሌቶች በቀዳሚነት የአንድ ሚሊዮን ዶላሩ ተቋዳሽ ናቸው ተብለው የሚጠበቁት ጀግናው አትሌት ቀነኒሳ በቀለ እና ራሻዊቷ ይሌና ኢሲንባቫ ናቸው። በ2006 እ.ኤ.አ. በተካሄደው የጎልደን ሊግ የአንድ ሚሊዮን ዶላሩ ተቋዳሽ ከነበሩት የዓለም አትሌቶች ውስጥ አትሌት ቀነኒሳ በቀለ እንደነበር አይዘነጋም።

 

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!