"የኢትዮጵያ የለውጥ ሒደት፣ የቀጣዩ ምርጫ አገራዊ ፋይዳና የተደቀኑ አደጋዎች" የኢዜማ መሪ

ከኢዜማ መሪ ለኢትዮጵያ ሕዝብ የተላለፈ መልዕክት

ውድ ኢትዮጵያውያን ወገኖቼ፤ እንደምን ከረማችሁ
በዛሬው ዕለት እንደ ኢዜማ መሪም ሆነ እንደ አንድ ዜጋ፣ ከኢትዮጵያውያን ወገኖቼ ጋር በዚህ መልክ ለመገናኘት ምክንያት የሆነኝ ከፊታችን በተደቀነው ምርጫ ላይ ኢዜማን እንድትመርጡ ለመቀስቀስ አይደለም። እሱ ሁሉም የፖለቲካ ድርጅቶች የምርጫው ቅስቀሳ ጊዜ በግልጽ ሲታወጅ የምናደርገው ይሆናል። ይልቁንም ዛሬ ላዋያችሁ የምፈልገው እንደ አገርም እንደ ሕዝብም ልንጋፈጠው የሚገባን ፊት ለፊታችን የተጋረጠ አንድ ትልቅ እውነትን ነው፤ ... ዛሬ በተለያዩ የአገራችን አካባቢዎች የሚከሰቱ አለመረጋጋቶች፣ ግጭቶችና ከዕለት ወደ ዕለት አሳሳቢ እየሆነ የመጣው የሰላም ዕጦት፣ ነገ ደግሞ ምን ይዞ ይመጣ ይሆን የሚል ሥጋት/ጭንቀት አለ።

ሙሉውን አስነብበኝ ...

በኢትዮጵያ ኦርቶዶክስ ተዋሕዶ ቤተ ክርስቲያን ላይ እየደረሰ ያለውን ወቅታዊ ችግር አስመልክቶ ከቅዱስ ሲኖዶስ የተሠጠ መግለጫ

Ethiopian Orthodox Synodos

ከኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ የተሠጠ መግለጫ (የካቲት 11 ቀን 2012 ዓ.ም.)

የኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ በቤተ ክርስቲያኒቱና በምእመናን ላይ እየደረሰ ያለውን ችግር አስመልክቶ ከየካቲት 9 -11 ቀን 2012 ዓ.ም. ድረስ ለሦስት ተከታታይ ቀናት ባደረገው አስቸኳይ ስብሰባ ተነጋግሮ በቤተ ክርስቲያናችን በተለያዩ ገዳማትና አብያተ ክርስቲያናት እንዲሁም የቤተ ክርስቲያናችን ተከታይ የሆኑ ምእመናን ላይ እየደረሰ ያለውን ችግር አስመልክቶ በመነጋገር እና ውሳኔ በማሳለፍ የሚከተለውን መግለጫ አውጥቷል።

ሙሉውን አስነብበኝ ...

የትግራይ ብልጽግና ፓርቲ ለ45ኛው የካቲት 11 በዓል ያስተላለፈው መልእክት

Ethiopian Prosperity Party

ከትግራይ የብልጽግና ፓርቲ ጽሕፈት ቤት የተላለፈ መልእክት

አኩሪው የትግራይ ሕዝብ የጸረ ጭቆና ተጋድሎና መሥዋዕትነት በከሠሩ ኃይሎች ኣይራከስም ፤ የቡዱናዊ ፍላጎት መጠቀሚያም አይሆንም እጅግ የተከበርከውና ከባድ የሕይወት መስዋእትነትን ጨምሮ ውድ ዋጋ በመክፈልና መራራ ትግል በማካሔድ ለራስህ ብቻ ሳይሆን ለወገኖችህ የሚተርፍ ድል ያስመዘገበከው መላው የትግራይ ሕዝብ እንኳን ለ45ኛው የካቲት 11 በዓልህ በሰላም አደረስህ።

ሙሉውን አስነብበኝ ...

ሕወሓት 45ኛ ዓመት የትጥቅ ትግል የጀመረበትን አስመልክቶ የሠጠው መግለጫ

TPLF

የትግራይ ሕዝብ የትጥቅ ትግል የጀመረበት የየካቲት 11 ቀን 45ኛ ዓመት በዓል ምክንያት በማድረግ የተሠጠ ድርጅታዊ መግለጫ

በዚች አገር የነበረውን ጭቆና፣ ተፅእኖና ቁጥር ስፈር የሌለው ግፍ ”እምቢ አንቀበልም፣ በፍጹም አንገዛም፣ እምቢ ለባርነት!” በማለት የትግራይ ሕዝብ በመሪ ድርጅቱ ሕወሓት እየተመራ የትጥቅ ትግል የጀመረበትን 45ኛ ዓመት እያከበርን እንገኛለን። የካቲት 11 የትግራይን ሕዝብ ፅናትና ድል ወደኋላ መለስ ብለን የምናስታውስበት፣ የዛሬንና የነገ ጉዟችን ከፍተኛ ወኔና ፅናት ተላብሰን በከፍተኛ የትግል መንፈስ ወደፊት የምንገሰግስበት ዕለት ናት። የትግራይ ሕዝብ ጠብመንጃ አንስቶ ትግል ሲጀምር በጦርነት ወቅት የሚያጋጥመውን ሁለገብ ኪሳራ መገመት አቅቶት ሳይሆን ያነገበውን ቅዱስ ዓላማ ከግብ ለማድረስ ተገዶ የገባበት ብቸኛ ኣማራጭ ስለነበረ ነው። የትግራይ ሕዝብ የትጥቅ ትግል ያካሄደው በኢትዮጵያ ሕዝቦች በተለይ ደግሞ በትግራይ ሕዝብ ጫንቃ ላይ ተጭኖ የነበረውን የኣገዛዝ ቀንበር በመደምሰስ አዲስ ዴሞክራሲያዊ ሥርዓት ለመትከልና ሁሉም የኢትዮጵያ ብሔሮች፣ ብሔረሰቦችና ሕዝቦች ተከባብረው በእኩልነትና በወንድማማችነት የሚኖሩበት፣ በራሳቸው ጉዳይ ላይ ራሳቸው የሚወስኑበት አገር በመፍጠር የጨፍላቂዎች ህልም ለዘለዓለም የሚቀበርበት ሥርዓት በመፍጠር ከድህነትና ድንቁርና በመላቀቅ በሰላም፣ በልማት ዴሞክራሲ ጎዳና ለመገስገስ የሚያስችል መንገድ ለመጥረግ ሲል ነው።

ሙሉውን አስነብበኝ ...

የሕግ የበላይነትን ማስከበር ለድርድር የሚቀርብ ጉዳይ አይደለም

Federal Attorney General

ከኢፌዲሪ ጠቅላይ ዓቃቤ ሕግ የተሠጠ መግለጫ

የኢፌዲሪ ጠቅላይ ዓቃቤ ሕግ የፍትሕ ሥርዓቱን የማጠናከርና የሕግ የበላይነትን የማክበርና የማስከበር ተግባሩን አጠናክሮ ለማስቀጠል ዘርፈ ብዙ ሥራዎችን እያከናወነ እንደሚገኝ ይታወሳል፡፡ በተለይም መንግሥት የሕግና የፍትሕ ሥርዓቱን ለማሻሻልና በዘርፉ አሳታፊነትን ለማጎለበት በሠጠው ትኩረት መሠረት ከመንግሥት መዋቅር ውጭ ከፍተኛ ልምድና ብቃት ያላቸውን የሕግ ባለሙያዎች ያካተተ የሕግና ፍትሕ ጉዳዮች አማካሪ ጉባዔ በማቋቋም የሰብዓዊና የዴሞክራሲ ምህዳሩን ሊያሰፉ የሚችሉ ሕጎች ላይ ማሻሻያ አድርጓል።

ሙሉውን አስነብበኝ ...

የአማራ ክልል በታገቱት ተማሪዎች ዙሪያ ዛሬ ማምሻውን ያወጣው መግለጫ

Protest in Amhara region over student abductions, January 28, 2020

"የሕግ የበላይነትን በማጠናከር የዜጎችን ደኅንነት እናስጠብቃለን!" የአማራ ብሔራዊ ክልል መንግሥት

የአገራችን ሕዝቦች በአብሮነትና በአንድነት በሕብረ ብሔራዊነት ለበርካታ ዓመታት ድርና ማግ ኾነው፣ ለሌሎች ዓለማችን ሕዝቦች በልዩነት ተቻችሎ በመኖር ተምሳሌት የኾኑ ሕዝቦች ናቸው። በተለይም ደግሞ ለሰላምና የሕግ የበላይነት ልዩ ክብርና ግምት በመሥጠት ባለፉት ሺህ ዓመታት ሕገ-መንግሥት ሳይኖር በሕገ-ልቦና በሰላማዊነት ተከባብረው በልዩነት አንድ ኾነው የኖሩ ሕዝቦች ናቸው።

ሙሉውን አስነብበኝ ...

ከኢዴፓ ብሔራዊ ምክር ቤት የተሠጠ መግለጫ

Ethiopian Democratic Party - Press Release

ቀዳሚ ትኩረት ለአገራዊ ሕልውና!!

ኢዴፓ በሃያ ዓመታት የትግል ጉዞው ለሦስተኛ ጊዜ የገጠመውን የሕልውና አደጋ እልህ አስጨራሽ የሆነ ትግል በማካሔድ አክሽፎታል። በገዥው ፓርቲ፣ በኢትዮጵያ የምርጫ ቦርድ፣ በግንቦት 7 እና በአራት የራሳችን የፓርቲ አባላት ትብብርና ቅንጅት የፓርቲያችንን ሕልውና ለማጥፋት ላለፉት ሦስት ዓመታት የተካሄደብንን ዘመቻ በማያዳግም ሁኔታ አክሽፈን ወደ ትግሉ ጎራ እነሆ ተቀላቅለናል።

ሙሉውን አስነብበኝ ...

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!