TPLF

የትግራይ ክልል ገዥው ፓርቲ ሕወሓት

ክልሉ ምርጫውን የሚከለክለኝ የለም ብሏል

ኢዛ (ረቡዕ ሐምሌ ፳፱ ቀን ፳፻፲፪ ዓ.ም. August 5, 2020)፦ የፌዴሬሽን ምክር ቤት የትግራይ ክልል ከሕገ መንግሥታዊ ሥርዓቱ ውጭ ምርጫን ለማድረግ የሚገፋበት ከኾነ በቅርቡ የፌዴሬሽን ምክር ቤት በመሰብሰብ ውሳኔ ሊያሳልፍ ይችላል ተብሏል።

የሚዳኘን ሕገ መንግሥት ስለኾነ ሕገመንግሥቱን የሚሸራርፍ ድርጊት ከተፈፀመ፤ በቀጣይ በፌዴሬሽን ምክር ቤት ስብሰባ ተደርጐ የሚወሰነው ነገር ሊኖር እንደሚችል የፌዴሬሽን ምክር ቤቱ አፈ ጉባዔ አቶ ፋራህ አደም አመልክተዋል።

የትግራይ ክልል የኮሙዩኒኬሽን ቢሮ በበኩሉ ምርጫውን ለማካሔድ ምንም ዐይነት ምድራዊ ኃይል ሊከለክለን አይችልም በሚል ገልጿል።

የፌዴሬሽን ምክር ቤት አፈ ጉባዔው አሁንም ሕገመንግሥቱ መከበር እንዳለበትና ምርጫን በተመለከተ የፌዴሬሽን ምክር ቤት ያሳለፈውን ውሳኔም የትግራይ ክልል መቀበል ነበረበት።

ይህንን የሚያደርግ ከኾነ ግን በቀጣይ ፌዴሬሽን ምክር ቤት በመሰብሰብ ውሳኔ የሚሰጥበት ስለመኾኑ አፈ ጉባዔው ለኢሳት በሰጡት ቃለምልልስ ገልጸዋል። (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!