State of Emergency Fact Checking

የአስቸኳይ ጊዜ አዋጅ የመረጃ ማጣሪያ

ጁንታው የሚመካባቸው የኮንክሪት ምሽጎች በመከላከያ ሠራዊት ፈርሰዋል

ኢዛ (ማክሰኞ ኅዳር ፰ ቀን ፳፻፲፫ ዓ.ም. November 17, 2020)፦ የኢትዮጵያ መከላከያ ሠራዊት ወደ መቀሌና አክሱም በድል አድራጊነት እየገሰገሰ መኾኑን የአስቸኳይ ጊዜ አዋጅ የመረጃ ማጣሪያ ዛሬ ይፋ አድርጓል። ሽንፈት የተጎናጸፈው የሕወሓት ጁንታ ታጣቂዎች እየሸሹ እንደኾነ ተገልጿል።

በምሥራቅ ትግራይ ራያ ሙሉ ለሙሉ ነፃ መውጣቱንና የጁንታው ኃይል የሚመካባቸው የኮንክሪት ምሽጎችም መፍረሳቸውን የአስቸኳይ ጊዜ የመረጃ ማጣሪያ ይፋ ካደረገው መረጃ ለመረዳት ተችሏል። የመረጃ ማጣሪያው በዛሬው ዕለት ያወጣው ሙሉ መረጃ እንደሚከተለው ይነበባ። (ኢዛ)

ዛሬ ኅዳር 8 የመከላከያ ሠራዊት በትግራይ በምሥራቅና በምዕራብ ግንባሮች ወሳኝ ድሎችን ተቀዳጅቷል።

በምሥራቁ ግንባር ራያ ሙሉ በሙሉ ነፃ ወጥቷል። ጨርጨር፣ ጉጉፍቶ መሖኒን ሠራዊቱ ነፃ አውጥቷል። በየቦታው የነበሩ ወሳኝ የኮንክሪት ምሽጎችንም አፍርሷል። ሠራዊቱ በአሁኑ ጊዜ ወደ መቀሌ በመገስገስ ላይ ነው።

በምዕራብ ግንባር ደግሞ በአዲ ነብሪድና በአዲ ዳዕሮ የሚገኙ ከባድ ምሽጎችን በማፍረስ ሽሬን ተቆጣጥሮ ወደ አክሱም በመገስገስ ላይ ይገኛል።

በውጊያው እጅግ ብዙ መሣሪያዎች ከመማረካቸውም በላይ ሕወሓት ለክፉ ዓላማ ያሰለፋቸው የትግራይ ልዩ ኃይል አባላት በቁጥጥር ሥር ውለዋል።

የመከላከያ ሠራዊቱ የሕወሓት ጁታን በሕግ ቁጥጥር ሥር ለማዋል እየገሰገሰ ሲሆን፤ የጁንታው ኃይል የመከላከያ ሠራዊቱን ክንድ መቋቋም አቅቶት ወደኋላ እየሸሸ ነው።

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!