ዶክተር ዐቢይ በትግራይ ላሉ ወገኖች 216 ሺህ ብር ድጋፍ ሰጡ

ድጋፉን ያደረጉት ከመጽሐፋቸው ሽያጭና ከደምወዛቸው ነው

ኢዛ (ማክሰኞ የካቲት ፳፫ ቀን ፳፻፲፫ ዓ.ም. March 2, 2021)፦ ጠቅላይ ሚኒስትር ዶክተር ዐቢይ አሕመድ በትግራይ ክልል ድጋፍ ለሚያስፈልጋቸው ወገኖች እገዛ የሚውል የ216 ሺህ ብር የገንዘብ ድጋፍ አደረጉ።

ጠቅላይ ሚኒስትር ዶ/ር ዐቢይ አሕመድ ይህንን የገንዘብ ድጋፍ ያደረጉት ከመጽሐፋቸው ሽያጭ እና ከደምወዛቸው ነው። በመረጃው መሠረት 200 ሺህ ብሩን ከመጽሐፋቸው ከተገኘ ሽያጭ ላይ፣ 16 ሺህ ብሩን ደግሞ ከደምወዛቸው ጨምረው የሰጡ እንደኾነ ተገልጿል።

ይህ ድጋፍ ቃል በገቡት መሠረት የተፈጸመ ነው። በትላንትናው ዕለትም ፕሬዝዳንት ሣህለወርቅ ዘውዴ ለተመሳሳይ ዓላማ የሚውል የ50 ሺህ ብር ድጋፍ በትግራይ ለተጎዱ ወገኖች ማድረጋቸውን መዘገባችን አይዘነጋም። (ኢዛ)