Ethiopia Zare (እሁድ ሚያዝያ 11 ቀን 2001 ዓ.ም. April 19, 2009)፦ ከአዲስ አበባ በስተደቡብ ከምትገኘው ከሆሳዕና ከተማ 18 ኪሎ ሜትር ርቀት ላይ፤ በመኪና አንድ ሰዓት በእግር ሦስት ሰዓት ከተጓዙ በኋላ በምትገኘው “ቡሽና” በተባለች ገጠር ቀበሌ ውስጥ በሚገኝ ዛፍ ላይ የኢየሱስ ክርስቶስና የቅድስተ ማሪያም ምስሎች በሁለት ዛፎች ላይ ታዩ ተባለ።

 

ምስሎቹ በዛፎቹ ላይ መታየታቸውን በኦርቶዶክስ ተዋህዶ ቤተክርስቲያን ስር የተደራጀው የማኅበረ ቅዱሳን አንድ ጋዜጣ ከዘገበ በኋላ አማኞች ወደ ስፍራው በርከት ብለው በመሄድ ምስሉን በትክክል ማየታቸውን እያረጋገጡ ነው።

 

በቀን ውስጥ ቢያንስ 1000 (አንድ ሺህ) ሰው ቦታውን እየጎበኘው እንደሚገኝና የትራንስፖርት ዋጋም በከፍተኛ ሁኔታ መጨመሩን በስፍራው የተገኙ እማኞች ገልጸዋል።

 

የኢትዮጵያ ኦርቶዶክስ ተዋህዶ ቤተክርስቲያን በስፍራው ቤተክርስቲያን ለማስገንባት ዕቅድ እንዳላትና ስለጉዳዩም ሌሎች ቤተክርስቲያኖች ጋር እየተነጋገረች መሆኑ ታውቋል።

 

ወደ ስፍራው ምስሎቹን ለማየት የሚሄዱ ምዕመናንም እንደነሱ አባባል ምስሉን ካዩ በኋላ “ይህ ቦታ በእውነት ቅዱስ ስፍራ ነው” እያሉ አፈሩን ሲበሉና ሰውነታቸውንም ሲቀቡ ታይተዋል።

 

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!