29ኛውን በዓል የቀድሞው ኢሕአዴግ ለሁለት ተከፍሎ ያሳልፋል

ኢዛ (ረቡዕ ግንቦት ፲፱ ቀን ፳፻፲፪ ዓ.ም. May 27, 2020)፦ ላለፉት 27 ዓመታት በአደባባይ ጭምር ሲከበር የነበረው የግንቦት ሃያ በዓል ለሁለተኛ ጊዜ በቀድሞ መልክ መከበር ያቆመ ሲሆን፤ ቀኑን ለማስታወስ ግን መግለጫ መውጣቱን አልቀረም። 29ኛውን በዓል የቀድሞው ኢሕአዴግ ለሁለት ጎራ ተከፍሎ ያሳልፋል።

መመሪያው ከዛሬ ጀምሮ በሥራ ላይ ውሏል

ኢዛ (ረቡዕ ግንቦት ፲፱ ቀን ፳፻፲፪ ዓ.ም. May 27, 2020)፦ በኢትዮጵያ በተለይም በአዲስ አበባ በኮሮና ቫይረስ የሚያዙ ሰዎች ቁጥር እየጨመረ ከመምጣቱ ጋር ተያይዞ ከቤት ውጭ በማንኛውም ቦታዎች የአፍና የአፍንጫ መሸፈኛ ማድረግ ግዴታ መኾኑን የሚደነግግ መመሪያ ጸደቀ። መመሪያው ከዛሬ ጀምሮ በሥራ ላይ ውሏል።

የዓመቱ ሠላሳ ስድስተኛ ሳምንት አንኳር ማኅበራዊ፣ ኢኮኖሚያዊና ፖለቲካዊ ክንውኖች

ኢዛ (ከግንቦት 10 - 16 ቀን 2012 ዓ.ም.) ካሳለፍነው ሳምንት ቀዳሚ ዜናዎች ውስጥ በኢትዮጵያ የሕገ መንግሥት ትርጓሜን በተመለከተ የተደረገው ውይይትና ወደ ድምዳሜ የተደረሰበት ሐሳብ መገለጹና በዚሁ መድረክ የቀረቡ አብዛኞቹ ሐሳቦች ሕገ መንግሥቱን መተርጎም ይቻላል የሚሉ ኾነው መገኘታቸው ነው። ከዚህ ዜና ባሻገር ከፍተኛ ትኩረት የተሰጠውና በህዳሴ ግድብ ዙሪያ ግብጽ እስከተባበሩት መንግሥት ድርጅት ድረስ ለአቤቱታ የቀረበችበትና ኢትዮጵያ ከወትሮ የተለየ ዲፕሎማሲያዊ እንቅስቃሴዎችን ያደረገችበት ጊዜ ቢኖር ይህ ሳምንት ነው።

ሙከራውን ያደረጉት የደኅንነት ሰዎች እንደኾኑ በአካባቢው የነበሩ ገለጹ

ኢዛ (ሰኞ ግንቦት ፲፯ ቀን ፳፻፲፪ ዓ.ም. May 25, 2020)፦ የዓረና ትግራይ ፓርቲ ሊቀመንበር አቶ አብርሃ ደስታ በትግራይ ክልል ደኅንነት አባላት ሊታፈኑ እንደነበር ተጠቆመ።

ፌዴራል ይግባ የሚል ጥያቄ እየተነሳ ነው

ኢዛ (ሰኞ ግንቦት ፲፯ ቀን ፳፻፲፪ ዓ.ም. May 25, 2020)፦ በትግራይ ክልል በሚገኙ ከተሞች ድምፆች ጎልተው እየተሰሙ ሲሆን፤ የፌዴራል መንግሥት ጣልቃ ይግባልን ጥያቄዎች እየተሰሙ ነው።

በአንድ ቀን 88 አዳዲስ ተጠቂዎች ተገኙ
55ቱ የውጭ ጉዞ ታሪክም ኾነ ንክኪ የሌላቸው ናቸው

ኢዛ (እሁድ ግንቦት ፲፮ ቀን ፳፻፲፪ ዓ.ም. May 24, 2020)፦ በኢትዮጵያ የኮሮና ቫይረስ ሥርጭት ከመቼውም ጊዜ በላይ አስጊ መኾኑን የሚያመለክትና በአንድ ቀን ብቻ 88 ሰዎች በቫይረሱ መያዛቸውን የዛሬው የጤና ሚኒስቴር ሪፖርት ይፋ አደረገ። በአገሪቱ በቫይረሱ የተያዙ ሰዎች ቁጥር 582 ደርሷል።

ዛሬ በኢትዮጵያ 61 ተጠቂዎች ሪፖርት የተደረገበት ቀን ኾኗል
ከ61ዱ 45ቱ ከአዲስ አበባ ናቸው

ኢዛ (ቅዳሜ ግንቦት ፲፭ ቀን ፳፻፲፪ ዓ.ም. May 23, 2020)፦ በአዲስ አበባ የኮሮና ቫይረስ ሥርጭት ጎልቶ የታየባቸው አካባቢዎች የእንቅስቃሴ ገደብ ሊጣል እንደሚችል ተገልጿል።

የጤና ባለሙያዎች የማበረታቻ አበል መመሪያ እንዲተገበር ወሰነ

ኢዛ (ዓርብ ግንቦት ፲፬ ቀን ፳፻፲፪ ዓ.ም. May 22, 2020)፦ የኮሮና ቫይረስ ወረርሽኝ ምክንያት ኢኮኖሚው ላይ የሚያሳደረውን ተጽእኖ ለመቋቋም፣ የበሽታውን ሥርጭት ለመግታት ያስፈልጋሉ የተባሉ ወጪዎችን ለመሸፈን የ2012 በጀት ዓመት ተጨማሪ በጀት አዋጅን የሚኒስትሮች ምክር ቤት አጸደቀ።

በኢትዮጵያ የተጠቂዎች ቁጥር 433 ደርሷል
በአዲስ አበባ የተጠቂዎች ቁጥር እየጨመረ ነው
በሐረሪ የመጀመሪያው የቫይረሱ የተገኘበት ሰው ሪፖርት ተደረገ

ኢዛ (ዓርብ ግንቦት ፲፬ ቀን ፳፻፲፪ ዓ.ም. May 22, 2020)፦ የጤና ሚኒስቴር ዛሬ ዓርብ ግንቦት 14 ቀን 2012 ዓ.ም. ቀትር ላይ በሰጠው ዕለታዊ መግለጫ በኢትዮጵያ የኮሮና ቫይረስ የተያዙ 30 አዳዲስ ሰዎች መገኘታቸውን ከገለጸ በኋላ ከአማራ ክልል አራት አዳዲስ ቫይረሱ የተገኘባቸው ሰዎች ሪፖርት በመደረጉ በዛሬው ዕለት 34 አዳዲስ የቫይረሱ ተጠቂዎች መገኘታቸውን አመልክቷል።

ማምሻውን ከአማራ ክልል አራት ተጨማሪ ሰዎች በቫይረሱ የተያዙ መገኘታቸውን ተከትሎም አጠቃላይ በአገሪቱ በቫይረሱ የተያዙ ሰዎች ቁጥር ወደ 433 ከፍ ሊል ችሏል።

ቀትር ላይ ከጤና ሚኒስቴር የወጣው መረጃ ከ30ዎቹ አዳዲስ የቫይረሱ ተጠቂዎች ውስጥ ዘጠኙ ብቻ የውጭ ጉዞ ታሪክ ያላቸው ሲሆኑ፤ 17ቱ ደግሞ በበሽታው ከተያዘ ሰው ጋር ግንኙነት የነበራቸው ኾነው ተገኝተዋል። ቀሪዎቹ አራቱ ደግሞ የውጭ ጉዞም ኮነ በሽታው ከተገኘበት ሰው ጋር ግንኙነት የሌላቸው ናቸው ተብሏል።

ይህም ወረርሽኙ በአብላጫው የተገኘው ምንም የጉዞ ታሪክ በሌላቸውና በበሽታው ከተያዘ ሰው ጋር ግንኙነት ያላቸው በቫይረሱ መያዛቸውን ያመለክታል።

በዛሬው ሪፖርት ከ30ዎቹ ውስጥ አሁንም አብዛኛዎቹ ወይም 18ቱ የተገኙት በአዲስ አበባ ነው። ሦስቱ ከአፋር፣ አራት ከኦሮሚያ፣ ሦስት ከትግራይ ክልልና ሁለት ከአማራ ክልል ነው።

ማምሻውን ከአማራ ክልል የተገኙትን አራት አዳዲስ ሰዎች ጨምሮ በአጠቃላይ ከአማራ ክልል በዛሬው ዕለት የተገኙት ተጠቂዎች ስድስት አድርሶታል።

በአጠቃላይ 34ቱ አዳዲስ የተገኙ የቫይረሱ ተጠቂዎች የተገኙት 3,656 የላቦራቶሪ ምርመራ ከተደረገ በኋላ ነው። ይህም እስካሁን በኢትዮጵያ የላቦራቶሪ ምርመራ የተደረገላቸውን ሰዎች 73,205 አድርሷል። አዲስ ያገገሙ አምስት ሰዎች የተገኙ በመኾኑም፤ ያገገሙ ሰዎች ቁጥር 128 መድረሱንም ለማወቅ ተችሏል።

በአሁኑ ወቅት የቫይረሱ ሥርጭት ሁሉንም የአገሪቱ ክፍል እያዳረሰ ሲሆን፤ ትናንትም በሐረሪ ክልል የመጀመሪያው የቫይረሱ ተጠቂ መገኘቱን መዘገባችን አይዘነጋም።

አሁንም ከሌሎች ክልሎች በበለጠ ወረርሽኙ የከፋው አዲስ አበባ ላይ ሲሆን፤ ከአንድ ቀን ቀደም ብሎ ከጠቅላላው የቫይረሱ ተጠቂዎች ከ63 በመቶ በላይ የሚኾኑት ከአዲስ አበባ የተገኙ ናቸው።

በዛሬው ሪፖርትም ከ34ቱ ውስጥ ወደ ግማሽ የሚጠጉት (18ቱ) ከአዲስ አበባ መኾናቸው አሁንም ችግሩ በመዲናዋ ውስጥ የከፋ መኾኑን አሳይቷል። (ኢዛ)

ድርጊቱ ፍጹም ሕገወጥና የአገሪቱን ሕግጋቶች መናድ ስለኾነ፤ ሕወሓት ከድርጊቱ እንዲቆጠብ አሳሰቡ

ኢዛ (ሐሙስ ግንቦት ፲፫ ቀን ፳፻፲፪ ዓ.ም. May 21, 2020)፦ የትግራይ ተወላጅ የኾኑ የአዲስ አበባ ብልጽግና ፓርቲ አመራሮች ሕወሓት በክልል ደረጃ ምርጫ አካሒዳለሁ ብሎ መነሳቱ ፍጹም ሕገወጥና የአገሪቱን ሕግጋቶች መናድ እንደኾነ በመግለጽ ከድርጊቱ እንዲቆጠብ አሳሰቡ።