ኩርዳዊ ነኝ ከኢራን - ኢማን አባስ እባላለሁ
በቋንቋዬ እንዳልቀኝ - እንዳልከትብም ሁኛለሁ፤
የኔ ጌቶች ያሻቸውን - እሆን ዘንዳ ቢያስጨንቁኝ
ግዳይ ጣልኩኝ እራሴን - ጭካኔያቸው ቢብሰኝ፤
ያውላችሁ ያሻችሁት - እንዳልሆን እሆን ፍርዳችሁ
አንደበቴን ተቆልፌ - ዓይኖቼን ተለጉሜ
ይመቻችሁ እላለሁ - ጆሮቼን አስከርችሜ፤
ብዕሬን ወርውሬ - ቀለሙን ደፍቼ
ፍረዱኝ እላለሁ - እናንት ወገኖቼ!
ያባ ዳኘው ዳግማዊ ምኒልክ ችሎት*
ቦጋለ ዳኜ ከካሊፎርኒያ
ከሳሽ የሟች ወላጅ ቀዳማዊ አዳም፤
ተከሳሽ ገዳዩዋ አውሮፓዊቷ ሮም፤
የሟች ስም ኢየሱስ መድኃኒተ ዓለም፤
የግድያው ቦታ በኢየሩሳሌም፤
ዘምባባውን ታቅፎ -እጁን ለሰላም ሊዘረጋ፣
ከጽንፍ-አጽናፍ እየበረረ - የደረሰውን አንተጋ፤
ባገር ባህል ክብር - የእንግዳ አቀባበል ወግ፣
በፈካ አበባ እቅፍ - በቄጠማ ጉዝጓዝ በማዕረግ፣
ልትቀበለው ሲገባ - ፊትህን አዙረህበት፣
እንደከብት ያጎርከው - ከማይጠረቃው ወህኒህ በረት፤
ደግሞም ይባስ ብለህ - ድንበር በሌለው ጭካኔህ፣
ከጓዶቹ..ከቤተሰቡ - 'ለዝንተ-ዓለም' ነጥለህ፣
በስልጣን፣ በብረት..በመታበይ - የግፍ ግፍ የፈጸምክበት ...፣
ለምን ነበር? ተጠየቅ? እንዲያ ኖረህ ላትኖርበት!
መይሳው ከምድረ ስዊድን
ጉብ ልበልበት ልፈናጠጥበት፣
ጎዞዬን ልጀምር ባስቸኳይ በፍጥነት፣
በምስራቅ በደቡብ፣
በሰሜን በምዕራብ፣
ቦጋለ ዳኜ ከካሊፎርኒያ
ረጅም ጎዳና፤
ስንሔድ ባውቶቡስ በመኪና፤
ረጅም በረራ፤
ስንሔድ ባውሮፐላን በጠያራ፤
