የአብሮነት መግለጫ

ከአብሮነት ለኢትዮጵያ ፌዴራላዊ አንድነት (#አብሮነት) የተሰጠ መግለጫ

ከአብሮነት ለኢትዮጵያ ፌዴራላዊ አንድነት (#አብሮነት) የተሰጠ መግለጫ

አብሮነት ለኢትዮጵያ ፌዴራላዊ አንድነት (አብሮነት) ባለፉት ጊዜያት የአገሪቱን ወቅታዊ ሁኔታዎች እየተከታተለ እና እየገመገመ አቅጣጫ የሚያሳዩ መግለጫዎችን ሲያወጣ መቆየቱ ይታወሳል። አብሮነት በነዛ ሁሉ ጊዜያት የለውጥ ሒደቱ ሃዲዱን እየሳተ መሆኑን እና አገራችን የሕልውና አደጋ ውስጥ ከመውደቋ በፊት ተጨባጭ የመፍትሔ እርምጃዎች እንዲወሰዱ አማራጭ መፍትሔ ጭምር በማስቀመጥ ሲወተውት ቆይቷል። ነገር ግን የለውጥ ኃይል ነኝ ባዩ መንግሥት ከኔ ውጭ መፍትሔ ላሳር፤ የማሻግራችሁም እኔ ብቻ ነኝ በሚል መታበይ የቁልቁለት ጉዞን መርጧል። በዚህ የመንግሥት ፍጽም የሆነ አንባገነናዊ ባሕርይም የተነሳ አገራችን አሁን የምትገኝበት ሁኔታ ለውጡ ከመምጣቱ በፊት ከነበረው ሁኔታ ጋር እጅግ ተመሳሳይ ነው። ከዚህም የከፋ የሕልውና አደጋ ተጋርጦብናል። በተለይም ከቅርብ ጊዜ ወዲህ መንግሥት ሕግና ስርዓትን ማስፈን እየተሳነው በየአካባቢው ንጹኀን ኢትዮጵያዊያን ማንነትን እና ኃይማኖትን ማዕከል ባደረገ ጥቃት ሕይወታቸውን እያጡ ነው፣ አካላቸው እየጎደለ ነው፣ ጥሪታቸውን አሟጠው ያፈሩት ሀብትና ንብረት እየወደመ ነው። በአገር ውስጥና በአለም አቀፍ ሰብአዊ መብት ተሟጋቾች ዘር ጭፍጨፋ/ጄኖሳይድ ነው ብለው በገለፁት በዚህ አሰቃቂ ድርጊት ዜጎች ተንቀሳቅሶ ሀብትና ንብረት የማፍራት ሕገ-መንግሥታዊ መብታቸው አደጋ ላይ ወድቋል። የዜጎች ለዘመናት የተገነባው የመቻቻል፣ የመከባበር፣ የመተዛዘን አኩሪ ባህላችን እየተደፈቀ ዘረኝነት፣ ጎጠኝነትና መንደርተኝነት ከምንግዜውም በላይ ነግሷል።

መንግሥት ይሄንን እኩይ ድርጊት የፈፀሙትን ኃይሎች እየተከታተለ ለፍርድ ማቅረብ ሲገባው ከጉዳዩ ጋር ምንም ግንኙነት የሌላቸውን ንጹኀን የፖለቲካ አመራሮችን በማሰር በሕግ ማስከበር ሰበብ ህጉን ተቀናቃኞችን ለማጥፋት እንደመሳሪያ እየተጠቀመበት ይገኛል። በተለይ የአብሮነት አመራሮች የእስር አያያዝ ፍጽም አደገኛ እንዲሆን እየተደረገ ነው። አቶ ልደቱ አያሌው ያለባቸው የልብ ሕመም እና የአስም በሽታ ለኮሮና ተጋላጭ እንደሚያደርጋቸው የሕክምና ሰርተፍኬት አቅርበው ጭምር አቤቱታ ቢያቀርቡም ተቀባይነት ሊያገኙ አልቻሉም። ኢንጂንየር ይልቃል ጌትነት የታሰሩበት እስር ቤት 3 እስረኞች በኮሮና መያዛቸውን ገልፀው ለፍርድ ቤት አመልክተው የነበረ ቢሆንም እስከ ቅርብ ጊዜ ድረስ በጋራ እንዲታሰሩ ተደርጓል። የባልደራስ አመራሮችም የፍርድ ሒደት በዝግ እንዲሆን፣ ምስክሮች ከመጋረጃ ጀርባ ሆነው ቃላቸውን እንዲሰጡ መደረጉም የፍትሕ ሒደቱ ነፃ እንዳልሆነ የሚያሳይ ነው።

የአርቲስት ሐጫሉን ሞት ተከትሎ በኦሮሚያ የተነሳው ሁከትና ብጥብጥ የጸጥታ መንግሥትሉም ሆነ ተጎጂዎች እንደገለፁት ቀድሞ የታቀደ፣ ስም ዝርዝር ተይዞ ሰውን ማንነቱንና ሃይማኖቱን ለይቶ የተፈፀመ ጥቃት መሆኑን ነው። እንደውም በብዙ ቦታዎች ላይ የአካባቢው ተወላጆች ለብዙ የጥቃቱ ተጋላጮች ከለላ ባይሰጡ ኖሮ ችግሩ ከዚህ የከፋ ይሆን ነበር። ለነዚህ የአኩሪ ስነ-ምግባር ባለቤት ለሆኑ ዜጎች ለሰሩት በጎ ተግባር አብሮነት ምስጋናውን ያቀርባል። ነገርግን አሁንም የሰብአዊ መብት ኮሚሽን ባወጣው መግለጫ ዳግም የአደጋ ሥጋት እንዳለ ጠቁሟል። በመሆኑም መንግሥት ለአደጋ የተጋለጡ ዜጎችን ከለላ እና ጥበቃ እንዲያደርግ እንጠይቃለን። መንግሥት ሁከቱን ተከትሎ በሐሳብ የሚለዩትን የተቃዋሚ ፓርቲ አመራሮችንና ከጉዳዩ ጋር ምንም ግንኙነት የሌላቸውን ዜጎች በጅምላ ማሰሩ የመንግሥትን አንባገነናዊ ባሕርይ ከማሳየት በስተቀር የሚያመጣው ለውጥ አይኖርም። ስለዚህ መንግሥት ጊዜው ሳይመሽበት አብሮነት ከዚህ በፊት አቅርቦት የነበረውን የሽግግር መንግሥት ጥያቄን ተቀብሎ ለሁሉን አቀፍ የፖለቲካ ውይይት ራሱን እንዲያዘጋጅ በድጋሚ ጥሪያችንን ለማስተላለፍ እንወዳለን።

የአገራችንን ወቅታዊ ሁኔታ የገመገመው አብሮነት ለኢትዮጵያ ፌዴራላዊ አንድነት (#አብሮነት) በተለይ የወላይታ ዞን የክልልነት ጥያቄን ተከትሎ የተፈጠረው ችግርና መንግሥት ችግሩን ለመፍታት የወሰደውን የመንግሥትል እርምጃ ፍጽም ተገቢ አለመሆኑን ተገንዝቧል። መንግሥት ይሄን ጥያቄ ያነሱ የዞን አመራሮች፣ የአገር ሽማግሌዎችን፣ የተቃዋሚ ፓርቲ አመራሮችንና አክቲቪስቶችን ማሰሩ እና እሱን በተቃወሙ ዜጎች ላይ የወሰደውን እርምጃም አብሮነት አጥብቆ ያወግዛል። መንግሥት በሕገ-መንግሥቱ መሰረት ለሚነሱ ሰላማዊ የሕዝብ ጥያቄዎች በሰከነ፣ በሰለጠነና በሕጋዊ አግባብ መልስ መስጠት ሲገባው በመንግሥትል ለማፈን መሞከሩ ፍጹም ተቀባይነት የሌለው አንባገነናዊ ድርጊት ነው። ትናንት በኦሮሚያ የዘር ፍጅት/ጄኖሳይድ ሲፈፀም በጊዜ ያልደረሰ መከላከያ ሰራዊት የወላይታ ሕዝብ ተወካዮች በውይይት ላይ እያሉ የወሰደው የመንግሥትል እርምጃ ፍጽም ተገቢ አይደለም። ሕዝቡም የሚያነሳው የመብት ጥያቄ መልስ እስኪያገኝ ድረስ በትዕግስት በመጠበቅ ተጨማሪ የሕይወት እና የንብረት ኪሳራ ሳያጋጥመው ጥያቄው እንዲመለስለት የበኩሉን ግዴታ እንዲወጣ ጥሪያችንን እናስተላልፋለን። በዚህ አጋጣሚ የተነሳውን ተቃውሞ ተከትሎ ሕይወታቸውን ላጡ ዜጎች አብሮነት የተሰማውን ጥልቅ ሃዘን እየገለፀ ለሟች ቤተሰቦችና ወዳጅ ዘመዶቻቸውም መፅናናትን ይመኛል።

በተጨማሪ ከሰሞኑ መነጋገሪያ የሆነው በብልጽግና አመራሮች በኩል ያለው የፖለቲካ ውጥረት ዳፋው ለአገር እንዳይተርፍ አብሮነት ሥጋት አድሮበታል። የአቶ ሽመልስም ንግግር ተራ የግለሰብ አቋም ብቻ ነው ተብሎ ሊወሰድ የሚችል አይደለም። አሁን ያለው የለውጥ መንግሥትል የአመራርነት ብቃት ኢትዮጵያን ሊያሻግር እንደማይችል በአገኘነው አጋጣሚ ሁሉ ስንናገር መቆየታችን የሚታወስ ነው። ከሰሞኑም በአንድ ከፍተኛ የብልጽግና አመራሩ በኩል የተሰጠው እና ይፋ የሆነው መረጃም የሚያረጋግጠው የስርዓቱን እውነተኛ ማንነትና ይሄ “የለውጥ መንግሥትል” አገር ብቻውን የመምራት ብቃትም ሆነ ቅንነት እንደሌለው የሚያሳይ ብቻ ሳይሆን ከቀደመው ሕገ-ወጥ የአፈና ተግባር ለመላቀቅ ፍላጎት እንደሌለው በተጨባጭ የሚያሳይ ድርጊት ነው። የመንግሥት እና የብልጽግና አመራሮች የሕዝቡን አንድነት፣ አብሮ የመኖር የቆየ ባህል ከሚንዱና የአገራችንን ሕልውና አደጋ ውስጥ ከሚጥሉ ንግግሮች እና ፕሮፖጋንዳዎች እንዲሁም የፖለቲካ ሴራዎች እንዲቆጠቡ እንጠይቃለን። በተጨማሪም ህውሃት የተናጥል ምርጫ ማድረጉ ከሕግም ከመፍትሔም አንፃር ተገቢ ባይሆንም ከብልጽግና ጋር ያለው ውጥረት በውይይት መፈታት ሲገባው እየተካረረ መሄዱ በአገር ሕልውና ላይ ሥጋት የሚፈጥር በመሆኑ ሁለቱም መንግሥትሎች ውጥረቱን ከሚያባብሱ ድርጊቶች እንዲቆጠቡ እንጠይቃለን። በሌላም በኩል ይሄን የለውጥ መንግሥትል ተማምኖ እሱ ያሻግረናል ብሎ መቀመጥ በአገር ሕልውና ላይ እንደመቀለድ የሚቆጠር ከባድ ስህተት ነው። በዚህ መሰረት ለአገራችን ሕልውና ሲባል የአንድነት መንግሥትል የሆናችሁ ከዚህ በፊት የያዛችሁትን አቋም ዳግም በመፈተሸ ከምንግዜውም በበለጠ አብሮነቱን አጠናክረን በጋራ እንድንታገል አገራዊ ጥሪያችንን እናስተላልፋለን።

በአገሪቱ እየታየ ያለው ዘርፈ ብዙ የፖለቲካ ውጥረት እየተባባሰ የሚገኘው ዘላቂ መፍትሔ የሚሹ ሕገ-መንግሥታዊ መዋቅራዊ ችግሮቻችንን መፍታት ባለመቻላችን ነው። አብሮነት ይሄን መሰረታዊ፣ መዋቅራዊ እና ስር የሰደደ ችግራችን ሊፈታ የሚችለው ደግሞ ሁሉን አቀፍ የሽግግር መንግሰት ሲቋቋም ነው ብሎ ያምናል።

በመሆኑም መንግሥት የአገሪቱን ዘርፈ ብዙ ችግሮች ብቻውን የመፍታት አቅም እንደሌለው ተረድቶ በአስቸኳይ ሁሉን አቀፍ የውይይት እና የምክክር መድረክ እንዲያዘጋጅ፤ የመፍትሔ ሐሳቡ ላይም የሚመለከተው ሁሉ እንዲመክር እየጠየቀን፦

1ኛ- የአርቲስት ሐጫሉን ሞት ተከትሎ በፖለቲካ አመለካከታቸው ከመንግሥት በመለየታቸው ብቻ የታሰሩ የአብሮነት ከፍተኛ አመራሮች እና የባልደራስ አመራሮች በአስቸኳይ እንዲፈቱ፤

2ኛ- በኦሮሚያ የተፈጠረውን ጥቃት ተከትሎ መንግሥት ከጉዳዩ ጋር ግንኙነት አላቸው ያላቸውን አመራሮች ማሰሩን መግለፁ የሚታወስ ነው። ነገር ግን አሁንም በሥልጣን ላይ ያሉት የኦሮሚያ ከፍተኛ አመራሮች እነሱ በሚመሩት ክልል ሰው በማንነቱና በሃይማኖቱ እየተለየ ጥቃት ሲደርስበት መከላከል ባለመቻላቸው ይቅርታ ጠይቀው ቢያንስ ከሥልጣናቸው ሊነሱ ይገባል፤

3ኛ- የአገራችን ፖለቲካዊ ውጥረት ሊረግብ የሚችለው በአንድ ወገን እኔ አውቅልሃለው ባይነት ሳይሆን ሁሉን የሚያሳትፍ የሽግግር መንግሥት ሲቋቋም መሆኑ ታውቆ በአማራጭ ሐሳቦች ላይ የሚመክር ሁሉን አቀፍ የውይይት እና የምክክር መድረክ በአስቸኳይ እንዲዘጋጅ፤

4ኛ- የወላይታውን የሕዝብ ጥያቄዎችን ተከትሎ የጠፋውን የሰው ሕይወት፣ የወደመውን ሀብትና ንበረት፣ የመንግሥት የጸጥታ መንግሥትሎች የወሰዱትን እርምጃ ተመጣጣኝነት የሚያጣራ፣ የደረሰበትንም የምርመራ ውጤት ለሕዝብ ይፋ የሚያደርግ፣ አጥፊዎችንና ተጠያቂዎችን ግልፅ በማድረግ ፍትሕ ፊት እንዲቀርቡ የሚያደርግ ገለልተኛ የሆነ አጣሪ ኮሚሽን እንዲቋቋም፣ ለተጎጂ ቤተሰቦችም መንግሥት ተመጣጣኝ ካሳ እንዲከፍል፤

5ኛ- አሁን እየተፈጠሩ ያሉ ዘርፈ ብዙ ችግሮች ዋነኛው መንስዔ ሕገ-መንግሥቱ ቢሆንም መንግሥት ለአንድ ክልል ተብሎ ሕገ-መንግሥቱ አይሻሻልም ማለቱ የሚታወስ ነው። ነገር ግን ሕገ-መንግሥቱ እስካልተሻሻለ ድረስ የአደረጃጀት ጥያቄዎችን በዘላቂነት መፍታት እንደማይቻል ተረድቶ ሕገ-መንግሥቱን ላለማሻሻል የያዘውን ግትር አቋም እንዲፈትሽ፤

6ኛ- አገራችን ከዕለት ወደ ዕለት ከፍተኛ የሆነ የሕልውና አደጋ ውስጥ እየገባች ትገኛለች። የኢትዮጵያን የሕልውና አደጋ መቀልበስ የሚቻለው ደግሞ በተናጥል በሚደረግ ትግል አይደለም ብሎ አብሮነት ያምናል። በመሆኑም ኢትዮጵያ ላይ የተጋረጠውን የሕልውና አደጋ ለመቀልበስ እንዲቻል ሁሉም የአንድነት የፖለቲካ መንግሥትል በአንድ እንዲተባበር አብሮነት ጥሪውን ያስተላልፋል፤

7ኛ- የመብት ጥያቄዎችን የሚያነሳው ዜጋ ተቃውሞውን ንብረት በማቃጠል ሰውን በመግደል ሳይሆን መግለጽ ያለበት ፍጽም ሰላማዊ በሆነ መንገድ መሆን አለበት ብለን እናምናለን። በተቃውሞ ስም የሕዝቡን አንድነት፣ የመቻቻልና አብሮ የመኖር ባህል የሚያቆሽሹ ድርጊቶችን አጥብቆ በመጠየፍ የአገራችንን ሕልውና አደጋ ላይ ከሚጥሉ እንቅስቃሴዎች እራሱን እየጠበቀ ተቃውሞውን እንዲያቀርብ እንጠይቃለን፤

8ኛ- መንግሥት የያዘውን አንባገነናዊ ግትር አቋም ትቶ ሁሉን ባለድርሻ አካላት የሚያሳትፍ የውይይት መድረክ እንዲያመቻች የፖለቲካ መንግሥትሎች፣ የሃይማኖት ተቋማት፣ የአገር ሽማግሌዎች፣ የሚዲያ ተቋማት እና አክቲቪስቶች በአጠቃላይም ኢትዮጵያዊያንና ትውልደ ኢትዮጵያዊያን አገርና ሕዝብን ባማከለና ባስቀደመ ፍጽም በሆነ ኢትዮጵያዊ ተቆርቋሪነት ስሜት የዜግነት ግዴታችሁን እንድትወጡ አብሮነት ጥሪውን ያስተላልፋል።

አብሮነት ለኢትዮጵያ ፌዴራላዊ አንድነት (#አብሮነት)

ነሐሴ 10/ 2012 ዓ.ም. 
አዲስ አበባ

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!