የሟቾች ቁጥር ወደ 55 ከፍ ብሏል

ኢዛ (ቅዳሜ ሰኔ ፮ ቀን ፳፻፲፪ ዓ.ም. June 13, 2020)፦ በኢትዮጵያ አድማሱን እያሰፋ ያለው የኮሮና ቫይረስ ወረርሽኝ ባለፉት ሁለት ቀናት ብቻ በ513 ሰዎች ላይ መገኘቱንና አጠቃላይ በአገሪቱ በወረርሽኙ የተጠቁ ሰዎች ቁጥር 3,166 ደረሰ። የሟቾች ቁጥርም እየጨመረ በመምጣቱ 55 ኾኗል።

ውሳኔውን ያጸደቀው በሙሉ ድምፅ ነው

ኢዛ (ዓርብ ሰኔ ፭ ቀን ፳፻፲፪ ዓ.ም. June 12, 2020)፦ የትግራይ ክልል ምክር ቤት ስድስተኛውን ክልላዊ ምርጫ፤ በክልል ደረጃ ለማካሔድ በሙሉ ድምፅ ማጽደቁ ተሰማ።

ምክንያቱ የኮሮና ወረርሽኝ ነው

ኢዛ (ሐሙስ ሰኔ ፬ ቀን ፳፻፲፪ ዓ.ም. June 11, 2020)፦ አራተኛው የኢትዮጵያ ሕዝብና ቤት ቆጠራ ለሦስተኛ ጊዜ እንዲራዘም ሁለቱም ምክር ቤቶች በጋራ ባካሔዱት ስብሰባ ወሰኑ።

ምርጫውን ለማራዘም የቀረበውን የውሳኔ ሐሳብ አጸደቀ
የውሳኔ ሐሳቡ የጸደቀው በ114 ድጋፍና በአራት ተቃውሞ ነው

ኢዛ (ረቡዕ ሰኔ ፫ ቀን ፳፻፲፪ ዓ.ም. June 10, 2020)፦ የፌዴሬሽን ምክር ቤት የኮሮና ወረርሽኝ የአገሪቱ ሥጋት ኾኖ እስከቀጠለ ድረስ፤ ሁሉም የፌዴራልና የክልል ምክር ቤቶች ሥራቸውን እንዲቀጥሉና ስድስተኛው ምርጫም ወረርሽኙ ሥጋት አለመኾኑ ከተረጋገጠ በኋላ ከዘጠኝ ወር እስከ አንድ ዓመት ባለው ጊዜ እንዲካሔድ አጸደቀ።

ከመጋቢት 8 ቀን 2012 ዓ.ም. ጀምሮ ተዘግቷል

ኢዛ (ረቡዕ ሰኔ ፫ ቀን ፳፻፲፪ ዓ.ም. June 10, 2020)፦ የኮሮና ቫይረስ ወረርሽኝ ከተቀሰቀሰ ወዲህ ቀድመው አገልግሎት ማቋረጣቸውን ካስታወቁት የቱሪዝም መዳረሻ ተቋማት መካከል አንዱ የኾነው የኢትዮጵያ ብሔራዊ ሙዚየም፤ ከ200 ሺህ በላይ ጎብኝዎችንና ከቱሪስቶቹ የሚገኘውን የውጭ ምንዛሪ ማጣቱን አስታውቋል። ሙዚየሙ ከመጋቢት 8 ቀን 2012 ዓ.ም. ጀምሮ ተዘግቷል።

ምክትል አፈ ጉባዔውም በአዲስ ተተክተዋል

ኢዛ (ረቡዕ ሰኔ ፫ ቀን ፳፻፲፪ ዓ.ም. June 10, 2020)፦ ሕጋዊ በኾነና ሥርዓትን በጠበቀ መንገድ ኃላፊነታቸውን ባለመልቀቃቸው ትችት እየቀረበባቸው ባሉት የቀድሞዋ የፌዴሬሽን ምክር ቤት አፈ ጉባዔ ወይዘሮ ኬርያ ኢብራሒም ምትክ አዲስ አፈ ጉባዔ ተመረጠ።

ወይዘሪት ብርቱካን ሚደቅሳን አመስግነዋል

ኢዛ (ረቡዕ ሰኔ ፫ ቀን ፳፻፲፪ ዓ.ም. June 10, 2020)፦ ሰኞ ሰኔ 1 ቀን 2012 ዓ.ም. በተካሔደው የሕዝብ ተወካዮች ምክር ቤት ስብሰባ ላይ ለጠቅላይ ሚኒስትር ዐቢይ አሕመድ በምክር ቤቱ አባላት ከተነሱላቸው ጥያቄዎች መካከል ስድስተኛውን አገር አቀፍ እና ክልላዊ ምርጫን የተመለከተው ይገኝበታል። የምርጫው መራዘምን ተከትሎ በተለይ አንዳንድ የፖለቲካ ፓርቲዎች ከመስከረም 30 ቀን 2013 ዓ.ም. በኋላ መንግሥት አይኖርም፤ ብጥብጥ ይነሳል በማለት ጭምር እየገለጸ ነው። እንደ ትግራይ ያሉ ክልሎች ደግሞ ምርጫ ካልተካሔደ በክልል ደረጃ ምርጫ እናደርጋለን በማለት እየገለጹ ስላሉት ጉዳይም የቀረበ ጥያቄ ነበር።

አምባሳደሩ በአሜሪካ፣ ካናዳ፣ ዙምባብዌ፣ ስዊድን፣ ኬንያና ግብጽ አገልግለዋል

ኢዛ (ማክሰኞ ሰኔ ፪ ቀን ፳፻፲፪ ዓ.ም. June 9, 2020)፦ ከሁለት ዓመት በፊት የኢትዮጵያ የውጭ ጉዳይ ሚኒስቴር ቃል አቀባይ በመኾን ሲያገለግሉ የነበሩትና በኬንያ እና በግብጽ የኢትዮጵያ አምባሳደር በመኾን ሲሠሩ የቆዩት አምባሳደር ዲና ሙፍቲ፤ እንደገና ቃል አቀባይ ኾነው ተሾሙ።

የሟቾች ቁጥር ወደ 32 ከፍ ብሏል

ኢዛ (ማክሰኞ ሰኔ ፪ ቀን ፳፻፲፪ ዓ.ም. June 9, 2020)፦ በኢትዮጵያ በ24 ሰዓታት ውስጥ 190 የሚኾኑ ሰዎች በቫይረሱ መያዛቸው ሪፖርት ተደረገ።

ዛሬ ማክሰኞ ሰኔ 2 ቀን 2012 ዓ.ም. ይፋ በተደረገው የጤና ሚኒስቴር ዕለታዊ ሪፖርት 4,599 የላቦራቶሪ ምርመራ ከተደረገላቸው ሰዎች 190ዎቹ በቫይረሱ መያዛቸው ታውቋል። ይህም ባለፉት ሦስት ወራት በአንድ ቀን ከፍተኛ ቁጥር የተገኘበት ዕለት አድርጎታል።

ከ190ዎቹ ውስጥ 153 የሚኾኑት የአዲስ አበባ ነዋሪዎች በመኾናቸው በአዲስ አበባ በቫይረሱ የተጠቁ ሰዎች ቁጥር ከዕለት ዕለት እየጨመረ መምጣቱን የሚያሳይ ኾኗል። በዛሬው ዕለት ቀሪዎቹ ተጠቂዎች 16 ከኦሮሚያ፣ አሥር ከአማራ፣ ሦስት ከሐረሪ፣ ሦስት ከሶማሌ፣ ሦስት ከደቡብና ሁለት ከትግራይ ክልሎች መኾናቸው ታውቋል።

ይህ በእንዲህ እንዳለ ባለፉት 24 ሰዓታት አምስት ሰዎች በቫይረሱ ተጠቅተው በመሞታቸው አጠቃላይ የሟቾች ቁጥር 32 ደርሷል። እስካሁን በኢትዮጵያ በቫይረሱ የተጠቁ ሰዎች ቁጥርም 2,336 መድረሱን ሪፖርቱ አመልክቷል።

በአንድ ቀን ውስጥ 18 ሰዎች ያገገሙ በመኾኑም፤ አጠቃላይ ያገገሙ ሰዎችን ቁጥር ወደ 379 ከፍ አድርጎታል። በኢትዮጵያ እስካሁን ምርመራ የተደረገላቸው ሰዎች ቁጥር ደግሞ 152,334 ነው። (ኢዛ)

የዓመቱ ሠላሳ ዘጠነኛ ሳምንት አንኳር ማኅበራዊ፣ ኢኮኖሚያዊና ፖለቲካዊ ክንውኖች

ኢዛ (ከግንቦት 24 - 30 ቀን 2012 ዓ.ም.) ያሳለፍነውን ሳምንት በጨረፍታ የምናስቃኝበት በዛሬው የሳምንቱ ቅኝታችን አንኳር አንኳር ዜናዎች ውስጥ የኦሮሚያ ክልላዊ መንግሥት በኦነግ ሸኔ የሚፈጸሙ ጥቃቶች በሕወሓት የሚታገዙ ስለመኾኑ መገለጹ አንዱ ነው። ከወታደራዊ እገዛ ጋር በተያያዘ በይፋ የሕወሓት እጅ አለበት በሚል የገለጸበት ሰሞናዊ አነጋጋሪ ወሬ ነበር።