የፈና ጅራ የፈና ጅርቱ

ከወለላዬ ( This email address is being protected from spambots. You need JavaScript enabled to view it. )

(በፒ.ዲ.ኤፍ. አስነብበኝ) 

(ግጥሙን ለማድመጥ የማጫወቻ ቁልፉን ይጫኑ!)

የፈና ጅራ የፈና ጅርቱ

እናቷን አንቺ ልጅቷን አንቱ

ሆነ ነገሩ ተቀያየረ

ኑጉ ነጣና ወተት ጠቆረ

ፀሐይ አበራች ከታች ወደላይ

ፈሪ ሆነ አሉ ጠላትን ገዳይ

መንገድ ሲመራ ሲያሳይ እውሩ

ዓይናሞች ዋሉ ሲደናበሩ

(ለህሊና እስረኛው ድምጻዊ ቴዎድሮስ ካሳሁን/ቴዲ አፍሮ)

ከጌታቸው አበራ (This email address is being protected from spambots. You need JavaScript enabled to view it. )

(በፒ.ዲ.ኤፍ. አስነብበኝ)

የገዘፈውን ጨለማ - ብርሃን ቢፈነጥቅበት፣

የተዳከመውን ኢትዮጵያዊነት - እስትንፋስ ቢዘራበት፣

ፍቅር፣ ሠላም፣ … እርቅን - ዘምሮ ቢያስዘምረን፣

ለትውልዱ ራዕይ ኪዳን - ድምፁ ተስፋ ቢሆነን፣

ዘረኝነት የተጠናወታቸው - ለጥፋት ያደገደጉ፣

በእኩይ ምግባር ታንጸው - ህሊና አልባ ያደጉ

በክፋት፣ በቂም፣ … በተንኮል - የታጀሉ ጨለምተኞች፣

ጥበብን አሰሩት አሉ - የድንቁራና ”ሊቆች”።

እንቁጣጣሽ

ከትንሣዔ (This email address is being protected from spambots. You need JavaScript enabled to view it. )

መልካም ዘመን ይሁን ልበል እንቁጣጣሽ፣

ደህና ጊዜን ይዘሽ ደግሞ ደግሞ ያምጣሽ።

ድሮ እንደምናውቀው ፍቅር ነው ደመራ፣

ለምለም አበባ ነው እልልታ ጭፈራ።

አዝመራው አፍርቶ ሲታየን ጥጋቡ፣

መስከረም ተስፋ ነው ያባራል ዝናቡ።

እርቅ ነው ፍቅር ነው ውበት አዲስ ዘመን፣

ለእድገት እይታውም ተስፋ እሚያስጨብጠን።

ታላቅ ድል በቤጂንግ

አብርሃም ሰሎሞን ነኀሴ ፲፰ ቀን ፳፻ ዓ.ም. (This email address is being protected from spambots. You need JavaScript enabled to view it.)  

ስምሽ በዓለም ታውቋል ኮራን ሀገራችን፣

አላሳፈሩንም ጀግኖች ልጆቻችን።

የጀግኖች እናት ነሽ ለዘለዓለም ኑሪ፣

እናት ኢትዮጵያ በልጆችሽ ኩሪ።

ጀግና ልጆች ናቸው በድል የጠገቡ፣

ወርቅ፣ ብር፣ ነኀስ ካልያዙ የማይገቡ።

እነሱማ ባይኖሩ!

(ለኦሎምፒክ ጀግኖቻችን)

ጌታቸው አበራ (This email address is being protected from spambots. You need JavaScript enabled to view it.) - ነኀሴ ፳፻ ዓ.ም. (ኦገስት 2008)

ለኢትዮጵያዊነት እስትንፋስ - ሊቋረጥ ለሚያቃትተው፣

ለሰንደቅ ዓላማዋ ክብር - በጠላቶቿ ለተናቀው፣

ለህዝቧ ህልውና መሰረት - በመከራ ለታጀለው፣

ለሉዓላዊነት ታሪኳ - አደጋ ላንዣበበው ...