የህወሓት/ኢህኣዴግ መንግሥት ሥልጣን ከጨበጠበት ከ፩ሺ፱፻፰፫ ዓ. ም. (1991 አ.አ.) ጀምሮ የኢትዮጵያን ሀገራዊ ሉዓላዊነት እየሸረሸረና የሕዝቡን መብት እየረገጠ ፈላጭ ቆራጭ ሥርዓት ሆኖ መውጣቱ ዛሬ ከምንም ጊዜ የበለጠ ግልጽ ሆኗል። ያለፉት 19 ዓመታት የህወሓት/ኢህአዴግ አገዛዝ ኢትዮጵያ ድንበርዋ እንዲደፈር፤ ህዝቧ በዘር እንዲለያይና እርስበርስ እንዲጣላ፤ የኢትዮጵያ መሬት በርካሽ ዋጋ ለውጭ ባለህብቶች ተሸንሽኖ እንዲሸጥ በአንጻሩ ደግሞ በርሃብ የሚጠቃው የሚሰቃየውና የሚሞተው ሕዝብ ቁጥሩ እንዲያሻቅብ የሆነበት፤ ብልጭ ብሎ የነበረው የዴምክራሲ ጭላንጭል የጠፋበት፣ ፍትኅ ጠፍቶ ዜጎች ሲዋከቡ ሲታሰሩ ሲደበደቡ ሲገደሉ ሲሰደዱ ዘወትር የምናይበት፤ የሀገሪቱ ሃብት በጥቂቶች፣ በሥልጣን ኮርቻ ላይ በጉልበት በወጡ አምባገነኖች እየተዘረፈ መሆኑን በየዕለቱ የምናይበት ዘመን ነው። (… ሙሉውን መግለጫ ለማንበብ እዚህ ይጫኑ!)

ከለአዲሲቷ ኢትዮጵያ የጋራ ንቅናቄ የተላለፈ ጥሪ

ሁላችንም እንደተከታተልነው በኢትዮጵያ ተካሄደ በተባለው ”ምርጫ” የመለስ ቡድን የ99.6% አብላጫ ድምጽ በማግኘት ”አሸንፌያለሁ” ማለቱ እንኳንስ ተቃዋሚዎችን የራሱ ደጋፊዎች አፍ ያስያዘና መልስ ያሳጣ ሆኖ ሰንብቷል።ከዚህ አኳያ ባለፈው ነገር ላይ ብቻ እያተኮርን ”ምንድነው ስህተታችን?” እያልን ጊዜ ከማጥፋት ይልቅ ለነጻነታችን እና ለዘመናት በሰቆቃ ለሚኖረው ህዝባችን ምን ልናደርግ እንችላለን የሚለውን በመጠየቅ በቀጣይነት በጋራ ልናደርግ በሚገባን ነገር ላይ ውሳኔ መድረሱ አማራጭ የሌለው ጉዳይ ነው።ይህንን አብሮ የመሥራትን እና የአንድነትን ነገር ሁሉም በየፊናው እያነሳ የሚወያይበት ዕለታዊ አጀንዳ እንደሆነ ከየአካባቢው ይሰማል። ወቅታዊው ጥያቄም ”ከሁሉ በፊት ነጻነታችን” የሚለው እንደሆነ ይደመጣል። ሙሉውን አስነብበኝ ...