Federal Attorney General

ጠቅላይ ዓቃቤ ሕግ

በማንኛውም ወንጀል የሚሳተፉትን ከዚህ በኋላ እንደማይታገስም አስታውቋል

ኢዛ (ሐሙስ የካቲት ፭ ቀን ፳፻፲፪ ዓ.ም. February 13, 2020)፦ ጠቅላይ ዓቃቤ ሕግ የሕግ የበላይነት ለድርድር የማይቀርብ መኾኑንና ከእንግዲህ ወዲህ ለአገር ደኅንነትና ለሕዝብ ሕልውና ሲባል ማናቸውም በወንጀል ድርጊት ውስጥ የሚሳተፉ አካላትን እንደማይታገስ ያስታወቀበትን መግለጫ አወጣ።

ጠቅላይ ዓቃቤ ሕግ ዛሬ የካቲት 5 ቀን 2012 ዓ.ም. ባወጣው መግለጫ ላይ፤ ሕግን ለማስከበር እየተወሰዱ ያሉ እርምጃዎችን በዝርዝር ገልጾ፤ የሕግ የላይነትን ለማስከበርና የዴሞክራሲ ምህዳሩን ለማስፋት እስካሁን የተወሰዱ እርምጃዎች ተስፋን የሰነቁ ተግባራት ስለመፈጸማቸው ጠቅሷል።

በዚህ መሠረት በተለያዩ የአገሪቱ ክፍሎችና በተለያዩ የእምነትና የትምህርት ተቋማት ውስጥ የተፈጸሙትን የወንጀል ድርጊቶች መነሻ በማድረግ ተጠርጣሪዎችን በቁጥጥር ሥር የማዋል ሥራ እንደተጀመረም አስታውቋል።

ከፍተኛ አመራሩ ባደረገው ግምገማ በየቦታው የሚፈጠሩ የወንጀል ድርጊቶች ዋነኛ ችግር የፖለቲካ አመራሮች እጅ እንደነበረበት በሚገባ የተረዳ መኾኑን በመግለጽ፤ ይህንን የማይገባ ተግባር ሲያስፈጽም፣ ሲፈጽምና በዝምታ ሲያልፍ የነበረው አመራር ከዚህ ተግባር እንዲታረም መግለጫው አሳስቧል።

ከዚህ በኋላ በተለያዩ ወንጀሎች የሚሳተፉ አካላትን ያለምንም ምሕረት በማያዳግም ሁኔታ ተጠያቂ የሚያደርግ መኾኑንም በዚሁ መግለጫ አስታውቋል። የመግለጫውን ሙሉ ቃል ለማንበብ እዚህ ይጫኑ! (ኢዛ)

አዲስ ቪዲዮ

ዜና እና ፖለቲካ

ኪነ-ጥበብ

ቪዲዮ

መጻሕፍት

ስለእኛ

ይከተሉን!