የአባኪያ ማስታወሻ፤ አባኪያ ተመልሷል**

ትናንት ለጠበቆቻችን፣ ዛሬ ደግሞ ለዳኞቻችን

“ፍትህን ፍለጋ፣ ፍትህን አሰሳ” የሚቀጥለው የቴዲ አፍሮ ዘፈን አልበም መጠሪያ ይመስለኛል። “ቃሊቲ ቃሊቲ” ሊለውም ይችላል። መቼም ዶ/ር ብርሃኑ ወይም ኢንጂነር ኃይሉ ወይንም ብርቱካን ሚደቅሳ ቢዘፍኑ አያምርባቸውም። ነገር ሁሉ ለበጎ ነው የሚለውን የሐዋርያውን ቃል ካመንበት፤ ምናልባትም የቴዲ አፍሮ መታሰር ለበጎ ነው። ከዚህ ቀደም ጽሑፌን ያቆምኩበትን አልዘነጋሁም። ወደዚያ እመለሳለሁ። ለጊዜው ግን ፈተና ላይ ከርሜ ጠፋሁኝ። ኢትዮጵያ የተውኩትን/ያቋረጥኩትን ትምህርት እዚህ ቀጥያለሁ። ይሄ የጀመርኩትን ትምህርት ምዕራብና ምስራቅ ጫፍ ካላቸው፣ ከምዕራብ ጫፍ ምስራቅ ጫፍ የመሄድ ያህል ዞሬ ነው የጀመርኩት። መቶ ሰማኒያ ዲግሪ መዞር የሚሉት አይነት ነገር። ቀድሞ እማር የነበረው የcivil law ሥርዓትን መሰረት ያደረገውን የኢትዮጵያን ሕግ ነበር። አሁን ወደ common law ዞሬያለሁ። ሕግን - ሕግ ከሚከበርበት ሀገር ስትማሩት እንዴት ደስ ይላል መሰላችሁ። አሁን የምማረው በተለይ እንግሊዝ፣ ካናዳ፣ አውስትራሊያ፣ አሜሪካና ካናዳ የሚከተሉት የሕግ ሥርዓት ቀደም ሲል ምናልባትም ከአንድ ሺህ ዓመታትም በፊት ጀምሮ የተወሰኑ ውሳኔዎችን መሰረት ያደረጉ፣ መርሆዎችና ሕግጋት በተመሳሳይ ሁኔታ ውስጥ ለሚፈጠርና ለሚገኝ ጉዳይ በተመሳሳይ መልኩ የሚወሰኑበት የሕግ ሥርዓት ነው።

መስፍን ወልደማርያም (ፕ/ር) ግንቦት 2000

በጥንቶቹ መሣፍንት ዘመን፣ የአንድ ቡድን የሥራ መሪ ሆኜ ወደ ጎሐጽዮን ኼጄ ነበረ። የማላውቃቸው የወረዳው አስተዳዳሪ የሆኑ አንድ ባላምባራስ፣ መኪና ውስጥ ተቀምጬ ከሰው ጋር ስነጋገር አዩኝና አልወደዱልኝም። “ማነው ይኼ፣ ምንድነው የምታነጋግረው፣ …” እያሉ ሰውየውን ሲቆጡ፣ ከመኪና ወረድኩና ማንነቴን ገለጽኩላቸው፤ ደብዳቤም አሳየኋቸው። ከምመራው ቡድን ውስጥ አንድ አሜሪካዊ አይተዋልና መሪው እኔ ነኝ ስላቸው በጣም ተናደዱ። “ይኼ ደፋር! ፈረንጅ እያለ መሪው እኔ ነኝ ይላል?!” ብለው ወደ ፖሊሱ ዞሩና “ውሰደው፤ እሰርልኝ!” አሉት።

(በኪዳኔ ዓለማየሁ)

ፋሺሽት ኢጣልያን ደግፋ ኢትዮጵያ ላይ ለደረሰው የሰው ዘር እልቂትና ሌላም ከባድ ጥፋት የኢትዮጵያን ሕዝብ ይቅርታ እንድትጠይቅ በመደጋገም ተጽፎላት አሻፈረኝ ያለቺው የቫቲካን፤ ካቶሊካዊት መንግሥት፤ ኢትዮጵያ ውስጥ በሰፊው ለመንቀሳቀስ (ለመዝመት ልበለው?) ቆርጣ የተነሳች መሆኑን የሚያመለክቱ ክስተቶች እየታዩ ነው። ለዚህም፤ 1ኛ/ በቫቲካን አማካኝነት አዲስ አበባ ሊከፈት ስለ ታሰበው ግዙፍ የሆነ የካቶሊክ ዩኒቨርሲቲ እና 2ኛ/ ሰሞኑን ከፕሬዚዳንት ግርማ ጭምር ተገናኝተው ስለ ነበሩት፤ የቫቲካኑ መሪ ፖፕ ቤኔዲክት 16ኛ ልዩ ተወካይ፤ ካርዲናል ዲያስ፤ ኦፊሴልያዊ የኢትዮጵያ ጉብኝት በማስረጃነት መጥቀስ ይቻላል።